لاہور(کلچرل رپورٹر)فلمساز اصغرعلی نے کہاہے کہ میری فلم ’’جنون عشق ‘‘بڑی کاسٹ نہ ہونے کی وجہ سے کامیابی سے ہمکنار نہ ہوسکی جس کیلئے فلم بینوں سے معذرت خواں ہوں ۔مجھے کروڑوں روپے لگانے کے بعد علم ہواکہ شائقین کیاچاہتے ہیں۔فلم کی کہانی ،نغمات اور ڈائریکشن کو سب نے پسند کیا لیکن مقبول چہرے نہ ہونے کی وجہ سے لوگ سینماگھروں کی طرف نہیںنکلے۔خاص طور پر راحت فتح علی خان کے گیتوں کو بہت سراہا گیا۔انکاکہناتھا میں نے ہدایتکار سے کہا تھا کہ ہیرو اورہیروئن وہ لیں جو مشہور ہیںلیکن انہوںنے میری بات نہ مانی ۔میں سمجھتا ہو ں کہ میری قسمت میں کامیابی نہیں تھی۔مجھے اس کا کوئی افسوس نہیں ہے ۔آئندہ فلمی شائقین کومایوسی نہیں ہوگی ۔اب میں اپنی نئی فلم میں موجودہ دور کے مقبول ترین فنکاروں کو کاسٹ کرنے کیساتھ ساتھ پروڈکشن کو بھی مزید بہتر کرنے کی کوشش کروںگا۔