پیٹرنز ٹرافی گریڈ II :صابر پولٹری نے کراچی پورٹ ٹرسٹ کو ہرا دیا

لاہور(سپورٹس رپورٹر+نمائندہ سپورٹس) پاکستان کرکٹ بورڈ کے زیر اہتمام جاری پیٹرنز ٹرافی گریڈ II کے تیسرے مرحلے میں صابر پولٹری ٹیم نے کراچی پورٹ ٹرسٹ ٹیم کو 4 وکٹوں سے ہرا دیا جبکہ ریلویز اور کے الیکٹرک کے درمیان کھیلا جانے والا میچ بغیر نتیجہ ختم ہو گیا۔ ریلویز اور کے الیکٹرک ٹیموں کے درمیان میچ کھیلا گیا۔ تین روزہ میچ بغیر کسی نتیجہ کے ختم ہو گیا۔ ایل سی سی اے گراونڈ لاہور میں کھیلے جانیوالے میچ کے تیسرے روز صابر پولٹری ٹیم کو جیت کیلئے 236 رنز کرنا تھے جو اس نے چھ وکٹوں کے نقصان پر پورے کر کے میچ میں چار وکٹوں سے کامیابی اپنے نام کی۔ واضح رہے کہ ٹورنامنٹ کے سیمی فائنلز 28 سے 30 اپریل تک جبکہ فائنل میچ 2 سے پانچ مئی تک کھیلا جائیگا۔