نواب شاہ (بیورورپورٹ/عاطف ابڑو)نواب شاہ کے علاقے منوآبادکے رہائشی سعیدقریشی کی کورونا وائرس سے موت کے بعد مزید7افرادکی کورونارپورٹ مثبت آگئی،جبکہ انتظامیہ کی جانب سے متوفی کے علاقے کوسیل کیے جانے کے بعد سے علاقہ مکین ریلیف نہ ملنے پربھوک اوربدحالی کاشکارہوگئے اورشہید بے نظیرآبادکی انتظامیہ صرف سیلفی سیشن بنانے مصروف عمل دکھائی دیتی ہے ،علاقہ مکینوں کے خوف کوختم کرنے اورعلاقے میں جراثیم کش اسپرے نہ کیے جانے کی وجہ سے مکین شدید کوفت کاشکارہیں کوروناسے متاثرہ علاقہ توسیل کردیاگیامگرتاحال وہاں کسی بھی شخص کادوبارہ کوروناٹیسٹ نہیں کیاگیاشہید بے نظیرآبادانتظامیہ کی جانب سے متاثرین کودی جانیوالی امدادمیں 10 کلو آٹا،4کلوسبزی پرمشتمل تھیلی تھمادی گئی جوکہ گھرکے دس سے پندرہ افراد کیلئے ناکافی ہے چاول ،دالیں ،صابن ،گھی سمیت دیگرسامان راشن میں سرے سے موجودہی نہیں ہے سیل علاقے کے متاثرین کونہ سینٹائزر فراہم کیے گئے اورنہ ہی ماسک دیئے گئے ہیں ؟ نام نہادتنظیموں کے اعلانات بھی صرف اعلان ہی ثابت ہوئے ۔