پریمیئر لیگ، ایورٹن نے  آرسنل کو شکست دیدی

لندن(وائس آف ایشیا)انگلش پریمیئر لیگ کے اہم میچ میں ایورٹن نے آرسنل کو دلچسپ مقابلے کے بعد 0-1 سے ہرا دیا۔ ایورٹن نے مخالف ٹیم کے کھلاڑی لینو کے اون گول کی بدولت کامیابی حاصل کی۔ انگلش پریمیئر لیگ کے دلچسپ مقابلوں کا سلسلہ انگلینڈ میں جاری ہے۔ایمرٹس سٹیڈیم، لندن میں کھیلے گئے لیگ کے اہم میچ میں ایورٹن نے آرسنل کو کانٹے دار مقابلے کے بعد 0-1 سے ہرا کر تین قیمتی پوائنٹس حاصل کر لئے۔دونوں ٹیموں کے مابین پہلا ہاف بغیر کسی گول کے برابر رہا تاہم دوسرے ہاف کے 21 ویں منٹ میں آرسنل کے دفاعی کھلاڑی لینو نے اون گول کرکے ایورٹن کو برتری دلا دی جو آخر تک قائم رہی۔ واضح رہے کہ ایورٹن کی ٹیم تین پوائنٹس حاصل کرنے کے بعد آٹھویں نمبر پر آگئی ہے۔