پولیس نے11 اشتہاری،25 جواری اورمنشیات فروش  دھر لیے

 ملتان (کرائم رپورٹر)ملتان پولیس کی گزشتہ چوبیس گھنٹوں کے دوران جرائم پیشہ عناصر کے خلاف کاروائی 3منشیات فروش،1 ناجائز اسلحہ ،25 جواری، 2 پتنگ فروش،11 اشتہاری مجرمان سمیت 42 ملزمان گرفتار 2030گرام چرس،  1 پسٹل معہ 02 گولیان ، 28 پتنگیں اور وٹک رقم 37240 روپے برآمد کرلیے ۔تھانہ قطب پور ،تھانہ بستی ملوک نے منشیات فروشوں سے منشیات برآمد کرلیں۔ تھانہ ممتاز آباد ، تھانہ قطب پور ، تھانہ گلگشت ،تھانہ بی زیڈ ،تھانہ صدر ملتان نے  جواریوں سے بھاری رقم اور تاش بر آمد کرکے مقدمات درج کر لیے۔ تھانہ شاہ رکن عالم نے ملزم فیصل محمود سے 15 پتنگیں، ملزم کاشف سے 13 پتنگیں بر آمد کرکے مقدمات درج کر لیے۔ ملتان پولیس نے 11 اشتہاری مجرمان کو گرفتار کر لیا۔ دوسری جانب ملتان پولیس تھانہ بی زیڈ نے 14 ملزمان کو قمار بازی کرنے پر گرفتار کیا گیا ۔ملزمان کے قبضہ سے وٹک رقم 15000 روپے نقدی اور قمار بازی میں استعمال ہونے والے آلات برآمد کر لئے۔ملزمان کے خلاف تھانہ بی زیڈ میں مقدمات درج کر کے پولیس کاروائی کی جا رہی ہے ۔