مایوس کن پرفارمنس سے پریشان کوہلی ٹپس کیلئے برائن لارا کے پاس پہنچ گئے 

لاہور(سپورٹس ڈیسک ) مایوس کن پرفارمنس سے پریشان بھارت کے سابق کپتان ویرات کوہلی بیٹنگ ٹپس لینے ویسٹ انڈیز کے سابق ورلڈ کلاس بیٹر برائن لارا کے پاس پہنچ گئے۔بھارتی کرکٹر ان دنوں انڈین پریمیئر لیگ میں مسلسل فلاپ ہونے کی وجہ سے خاصے پریشان ہیں، ویرات کوہلی مسلسل دوسری مرتبہ گولڈن ڈک پر آوٹ ہو ئے۔میچ کے بعد مایوس ویرات کوہلی ٹپس لینے برائن لارا کے پاس پہنچ گئے،  ویسٹ انڈین لیجنڈ سن رائزر حیدر آباد کے بیٹنگ کوچ ہیں۔ویرات کوہلی اب تک لیگ میں ایک بھی نصف سنچری سکور نہیں کر سکے ہیں۔بھارتی کرکٹر نے برائن لارا کو خود کو بیٹنگ میں پیش آنے والی مشکلات کے بارے میں بتایا جبکہ برائن لارا نے بھی ویرات کوہلی کو مشورے دیئے۔ بھات کے سابق کپتان اظہر الدین سمیت کئی سابق کرکٹرز نے ویرات کوہلی کو کرکٹ سے بریک لینے کا مشورہ دیا ہے۔