سمارٹ سٹی نیشنل امیچور گالف چیمپیئن شپ آج سے شروع

لاہور(سپورٹس رپورٹر ) سمارٹ سٹی 62 ویں نیشنل امیچور گالف چیمپیئن شپ آج سے لاہور جم خانہ گالف کورس میں شروع ہوگی۔ چیمپیئن شپ میں ملک بھر سے پاکستان گالف فیڈریشن سے الحاق رکھنے والے گالفرز شریک ہونگے۔ 5 روزہ چیمپیئن شپ میں مینز، لیڈیز، سینئر امیچور، انٹر ایسوسی ایشن مینز اینڈ ویمنز، انٹرنیشنل مینز اینڈ ویمنز ٹیم ٹرافی کے علاوہ جے آر وردھنے ٹرافی کے مقابلوں میں نمایاں پوزیشن حاصل کرنے والوں میں انعامات تقسیم کیے جائیں گے۔ چیمپیئن شپ کی اختتامی تقریب 29 اپریل کو منعقد ہوگی۔