معظم خان کلیئر کی شیخ مظہر سے ملاقات سائیکلنگ ، بیس بال کیلئے ملکر کام کرنے کا عزم

لا ہور(سپورٹس رپورٹر ) پاکستان سایئکلنگ فیڈریشن کے جنرل سیکرٹری معظم خان کلیئر اور پاکستان بیس بال فیڈریشن کے جنرل سیکرٹری شیخ مظہر سے عیدالفطر کے موقع پر خصوصی ملاقات کی عید کی مبارکباد کے ساتھ ساتھ معظم خان نے شیخ مظہر کے کہنے پر بیس بال فائیف نیشنل کیمپ کیلئے گراؤنڈ فراہم کر دیا۔ جس پر شیخ مظہر کا کہنا تھا کے وہ ان کے نہایت مشکور ہے کے انہوں نے پاکستان میں بیس بال فائیف کا جو کیمپ لگنا تھا اس کیلئے لاہور کے سینٹر میں اپنا گراؤنڈ فراہم کیا۔ اس کے ساتھ ساتھ انہوں نے اپنے صدر سید فخر علی شاہ کا بھی شکریہ ادا کیا کے ان کی ہدایت پر آج عید کی مبارکباد کے ساتھ ساتھ ہم اپنے کام پر بھی توجہ دیتے رہے۔ سید فخر علی شاہ نے معظم خان کلیئر جو کے سابقہ چیئرمین پنجاب بیس بال ایسوسی ایشن رہ چکے ہیں کے ساتھ مل کر پاکستان میں کھیلوں کی ترقی کیلئے مشاورت کی اور بیس بال اور سائیکلنگ کو مقبول بنانے کے ساتھ کھلاڑیوں کو بنیادی سہولیات فراہم کرنے کیلئے لائحہ عمل پر بھی تفصیلی گفتگو کی۔ جنرل سیکٹری پاکستان سایئکلنگ فیڈریشن معظم خان نے ان کا شکریہ ادا کیا اور کہا کے مجھے فخر ہے کے آئندہ آنے والے انٹرنیشنل مقابلے میں شرکت کرنے کیلئے پاکستانی کھلاڑیوں کے کیمپ کیلئے میرے گراؤنڈ کا انتخاب کیا۔