گلگت بلتستان،تیز رفتار گاڑی 6 بچوں پر چڑھ دوڑی، 3 جاں بحق، 3 زخمی

 گانچھے (این این آئی)گلگت بلتستان کے ضلع گانچھے میں تیز رفتار گاڑی 6 بچوں پر چڑھ دوڑی جس کے نتیجے میں 3 بچے جاں بحق اور 3 بچے زخمی ہوگئے۔انچارج ریسکیو 1122 عاشق حسین کے مطابق اسکردو جانے والی تیز رفتار فائیو ڈور لینڈ کروزر گاڑی عید کی خوشیاں منانے والے بچوں پر چڑھ گئی جس سے 3 بچے موقع پر جاں بحق اوردیگر 3 شدید زخمی ہو گئے جنہیں ریسکیو ٹیم نے ابتدائی طبی امداد دے کر ڈی ایچ کیو ہسپتال منتقل کر دیا۔عاشق حسین کے مطابق ایک زخمی بچے کی حالت تشویشناک ہے، واقعہ کے فوراً بعد گاڑی کے ڈرائیور کو پولیس نے حراست میں لے لیا اور تفتیش شروع کر دی ہے۔