نوجوان افسر جدید رجحانات پر توجہ دیکر ترقی کی منازل طے کریں : آئی جی 

لاہور(نامہ نگار)انسپکٹر جنرل پولیس پنجاب ڈاکٹر عثمان انور نے کہا ہے کہ مستقبل آئی ٹی بیسڈ پولیسنگ کا ہے، نوجوان افسران پولیسنگ کے جدید رجحانات اور مہارتوں پر توجہ دے کرپبلک سروس ڈلیوری کو بہتر بنانے کیساتھ ساتھ کیرئیر میں ترقی کی منازل طے کریں۔ فری رجسٹریشن آف کرائم، موثر انویسٹی گیشن سے شہریوں کے مسائل کے فی الفور حل اور اوپن ڈور پالیسی کو اپنا شعار بنائیں۔ پولیسنگ کے چیلنجز سے ہم آہنگ ہونے کیلئے کیرئیر کے آغاز میں مشکل پوسٹنگ کو ترجیح دیں،دیہاتی علاقوں میں فیلڈ ورک سے رورل پولیسنگ اور شہری علاقوں کی اربن پولیسنگ کا عملی تجربہ حاصل کریں۔