فیروزوالہ( نامہ نگار) خانپور تھانہ فیکٹری ایریا کے ایریا علاقے میں ڈاکو نے موٹر سائیکل سوار نوجوان خالد سے نقدی‘ موبائل اور موٹرسائیکل چھین لی۔ جی ٹی روڈ مرید کے میں ڈاکو بیوپاری ناظم حسین سے ساڑھے سات لاکھ روپے اور موبائل چھین کر فرار ہو گئے۔ مہاتریڈا میں 7ڈاکو تاجر خادم حسین کے گھر میں گھس گئے‘ 4لاکھ روپے نقدی4تولہ طلائی زیورات موٹرسائیکل اور دیگر قیمتی سامان لوٹ کر فرار ہو گئے۔ ڈاکومیاں پارک کے رہائشی کار سوارتاجر شہزاد اوراسکی اہلیہ سے نقدی موبائل چھین کر لے گئے۔ پیراں سٹاپ کے قریب ڈاکوئوں نے ریاض سے نقدی چھین لی‘دوران ڈکیتی مزاحمت پرگولی مارکر زخمی کر دیا‘ہسپتال  داخل کرا دیاگیا۔