فیروز والہ، نوعمر لڑکے کی نعش برآمد، زیادتی کا شبہ: قصور، بچہ زیادتی کا شکار

 فیروزوالہ،قصور(نامہ نگار+نمائندہ نوائے وقت) جی ٹی روڈ صنعتی ایریا کالاشاہ کاکو کے قریب نجی ہائوسنگ سوسائٹی کے خالی پلاٹ میں 12سالہ لڑکے کی نعش دیکھ کر راہگیروں نے پولیس فیروز والا کو اطلاع دی پولیس نے جائے وقوعہ پر پہنچ کر مقتول کی لاش قبضہ میں لیکر جائے واردات سے شواہد اکٹھے کر لیے ۔مقتول کی شناخت نہ ہوسکی ذرائع کے مطابق نامعلوم ملزموں نے مبینہ طور پر زیادتی کا نشانہ بنانے کے بعد بہیمانہ تشدد کرکے مقتول کی شلوار کا ازار بند کے ذریعے اسے پھندا دیکر قتل کیا۔ پولیس نے شواہد حاصل کرکے پوسٹ مارٹم کیلئے نعش ہسپتال منتقل کر دی ۔علاوہ ازیں قصور کے نواح چونیاں میں اوباش ملزم نے بچے کو جنسی زیادتی کا نشانہ بنا دیا۔محسن علی نے پولیس تھانہ میں مقدمہ درج کروایا کہ میرا 13/12سالہ بیٹا (ح )گھر کے باہر کھیل رہا تھاکہ ملزم محمد رضوان جو کہ ہمارا رشتہ دار ہے اسے ورغلاکر گھر لے گیا میں پانی لینے گاؤں گیا تو مجھے ملزم کے گھر سے میرے بیٹے کے رونے کی آواز آئی داخل ہوکر دیکھا تو ملزم میرے بیٹے کے ساتھ بدفعلی کا ارتکاب کر رہا تھااور مجھے دیکھتے ہی فرار ہوگیا۔