قصور(نمائندہ نوائے وقت)متعدد وارداتوں میں کئی شہری لٹ گئے۔بھوپے وال موڑ پر ڈاکوؤں نے 32سالہ ابراہیم اور طاہرہ بی بی کو روکا اور موٹر سائیکل،نقدی اور موبائل چھین لیے مزاحمت پر ڈاکوؤں کی فائرنگ سے دونوں زخمی ہوگئے۔ تھانہ صدر قصور میں محمد یٰسین نے اطلاع دی کہ نور پور کے مقام پر دو ڈاکوؤں نے 1 لاکھ 65 ہزاور روپے چھین لئے۔ تھانہ صدر قصور میں عارف علی نے اطلاع دی کہ ڈاکوؤںنے مجھ سے 50ہزار روپے و دیگر سامان لوٹ لیا۔ تھانہ بی ڈویژن قصور میں عارف نے اطلاع دی کہ ڈاکوؤںنے مجھ سے موٹر سائیکل و دیگر سامان چھین لیا اور شہروز جاوید نے اطلاع دی کہ ڈاکوؤں نے میری موٹر سائیکل چھین لی۔ تھانہ سٹی پتوکی میں زاہد منیر نے اطلاع دی کہ جاگوالہ چک 40کے مقام پر ڈاکوؤں نے موٹر سائیکل،نقدی اور موبائل چھین لیے تھانہ کنگن پور میں اویس قدرت اللہ نے اطلاع دی کہ شامکوٹ کے قریب دوڈاکوؤں نے موٹر سائیکل،نقدی و دیگر سامان چھین لیا ۔پولیس مقدمات درج کرکے مصروف تفتیش ہے۔