مریدکے (نامہ نگار ) صدر آل پاکستان کلرکس ایسوسی ایشن لاہور ڈویژن چوہدری افتخار رسول سلہریا نے لاہور ڈویژن کے عہدیداروں کے ہمراہ دفتر سی این ڈبلیو کا دورہ کیا جہاں حاجی محبوب عالم اور ان کی ٹیم راؤ عدیل ‘ وقاص اسلم حافظ ذاکر عبداللہ مسٹر علی سفیان سلمان ڈار اعتزاز مختار اور میاں عمر سرفراز و دیگر نے صدر ایپکا لاہور ڈویژن افتخار رسول سلہریا اور ان کے ساتھیوں کا استقبال کیا ۔ افتخار رسول سلہریا نے سرکاری ملازمین سے خطاب کرتے پنجاب حکومت سے مطالبہ کیا کہ موجودہ بجٹ میں سرکاری ملازمین کی تنخواہوں میں موجودہ مہنگائی کے تناسب سے اضافہ کیا جائے۔ انشورنس کی رقم ریٹائرمنٹ کے موقع پر فوری ادا کی جائے سرکاری ملازمین مہنگائی کی چکی تلے پس رہے ہیں اگر پنجاب حکومت نے ہمارے مطالبات پر عمل نہ کیا تو پھر دما دم مست قلندر ہوگا۔