قلعہ دیدار سنگھ(نمائندہ خصوصی) مین بازار ریسٹورنٹ میں گیس سلنڈر دھماکا،حادثہ میں 2 دکانداروں،شیر خوار بچے سمیت 8افراد زخمی'4افراد کو تشویشناک حالت میں گوجرانوالہ ریفر کردیا گیا۔تفصیلات کے مطابق تھانہ قلعہ دیدار سنگھ کے علاقہ مین بازار گلہ آرائناں والا حیدر ریفریشمنٹ پر گیس لیکج کی وجہ سے گیس سلنڈر دھماکا ہوگیا،حادثہ گیس سلنڈر لیکج کی وجہ سے پیش آیا۔حادثہ میں ریفریشمنٹ مالک سجاد ملازم شیر خوار بچے اور راہگیروں اعجاز،ساجد،آصف،عثمان،ارشد سمیت 8افراد زخمی ہوگئے۔واقع کی اطلاع پر مقامی پولیس،ریسکیو ٹیمیں موقع پر پہنچ گئیں اور زخمیوں کو رورل ہیلتھ سنٹر منتقل کیا گیا جہاں ابتدائی طبی امداد کے بعد 4افراد کو تشویشناک حالت کے پیش نظر گوجرانوالہ ریفر کردیا گیا ہے۔