نیلم (آئی این پی) آزاد کشمیر کے علاقے کیل سے وادی نیلم آنے والی مسافر جیب تیز رفتاری سے موڑ کاٹتے ہوئے شنرڈ کے مقام پر گہری کھائی میں جا گری ‘ 4 افراد جاں بحق‘ 5 شدید زخمی ہو گئے ۔ پولیس کے مطابق کیل سے نیلم آنے والی مسافر جیپ جس میں 9 افراد سوار تھے شنرڈ کے مقام پر تیز رفتاری سے موڑ کاٹنے کے باعث سینکڑوں فٹ گہری کھائی میں جا گری ۔ حادثہ کی اطلاع ملتے ہی لوگ موقع پر جمع ہو گئے اور اپنی مدد آپ کے تحت امدادی کارروائیاں شروع کر دیں۔ مقامی افراد نے بہت مشکلوں سے 4 لاشوں اور 5 زخمیوں کو کھائی سے نکالا اور زخمیوں کو قریبی ہسپتال منتقل کر دیا۔ ہسپتال ذرائع کے مطابق زخمیوں میں سے 2 کی حالت تشویش ناک ہونے کے باعث ہلاکتوں میں اضافے کا خدشہ ہے ۔