گوجرانوالہ (نمائندہ خصوصی) گھر میں جھگڑ کر آٹے کی پیٹی میں چھپنے والا 10 سالہ بچہ دم گھٹنے سے جاں بحق ہو گیا۔ بتایا گیا ہے کہ نواحی علاقہ گوندلانوالہ کے صدیق کا بیٹا بلال گزشتہ روز گھر سے ڈانٹ کھانے کے بعد آٹے کی پیٹی میں چھپ گیا۔ اس دوران پیٹی کی باہر سے کنڈی لگ گئی۔ اہل خانہ اسے مختلف جگہوں پر ڈھونڈتے رہے۔ پیٹی کھلنے کے بعد واقعہ کا علم ہوا۔ بچے کی موت پر والدہ پر شدید غم کے باعث غشی کے دورے پڑتے رہے۔