کوئٹہ (نوائے وقت رپورٹ) لیویز ذرائع کے مطابق ضلع کیچ کے علاقے تمپ میں نامعلوم افراد نے کار پر فائرنگ کر دی جس سے دو افراد جاںبحق ہو گئے۔ علاوہ ازیں تربت شہر کے نواحی علاقے میں نامعلوم افراد کی فائرنگ سے پولیس کا سب انسپکٹر جاںبحق ہو گیا۔ علاوہ ازیں خضدار میں نامعلوم افراد نے دو آئل ٹینکرز کو آگ لگا دی۔ لیویز ذرائع کے مطابق دونوں آئل ٹینکرز نیٹو سپلائی کے تھے۔ علاوہ ازیں پاک ایران سرحدی علاقے ماشکیل میں دومسلح گروپوں کے درمیان فائرنگ کی تبادلے کے دوران اچانک گولی لگنے سے زخمی ہونے والا راہ گیر نوجوان زخموں کی تاب نہ لاتے ہوئے چل بسا۔ قبل ازیں ایف سی کے قافلے کو بم سے اڑانے کی کوشش ناکام سڑک کے کنارے بم نصب کرنے والے دو افغان باشندے گرفتار کر لئے۔