کراچی (نوائے وقت رپورٹ) پیپلز پارٹی نے ضمنی انتخابات میں قومی اسمبلی کی تین نشتیں لینے پر بلاول ہاﺅس کراچی کے قریب جشن منایا۔ پیپلز یوتھ آرگنائزیشن کی جانب سے انتخابات میں کامیابی پر بلاول ہاﺅس کے سامنے شاندار آتش بازی کا مظاہرہ کیا گیا۔ نومنتخب ارکان اسمبلی نے بلاول ہاﺅس کراچی میں صدر آصف زرداری سے ملاقات میں کی۔ صدر نے انہیں کامیابی پر مبارکباد دی اور ان کے اعزاز میں عصرانہ بھی دیا۔