بلاول بھٹو زرداری اسلام آبادپہنچ گئے پارٹی رہنمائوں سے ملاقاتیں،پارٹی امور اور ملک کی مجموعی سیاسی صورتحال پر تبادلہ خیال

اسلام آباد (خبرنگار خصوصی) پیپلزپارٹی کے چیئرمین بلاول بھٹو زرداری نے پارٹی رہنمائوں سے ملاقات کے دوران پارٹی امور اور ملک کی مجموعی سیاسی صورتحال پر تبادلہ خیال کیا۔ پارٹی کے ترجمان کے مطابق بلاول بھٹو پیر کی شام اسلام آباد پہنچے جہاں راجہ پرویز اشرف، سینیٹر شیری رحمن، فریال تالپور، فیصل کریم کنڈی، اخونزادہ چٹان اورنورعالم نے ان سے ملاقات کی۔ بلاول بھٹو آج پیپلزپارٹی کی خیبر پی کے اور پنجاب شاخ کے اجلاسوں کی صدارت کریں گے جس میں پارٹی امور پر تبادلہ خیال کیا جائیگا ۔