ایشین رگبی ایگزیکٹو کونسل کا اجلاس، کھیل کی ترقی پر بحث کی گئی

لاہور (سپورٹس رپورٹر+نمائندہ سپورٹس) ایشین رگبی کی ایگزیکٹو کونسل کی میٹنگ گزشتہ روز پاکستان میں منعقد ہوئی۔ میٹنگ میں ایشیا کے 16 سے زائد ممالک کے مندوبین نے شرکت کی جن میں جاپان سے صدر کوجی تکاماسو، بھارت سے وائس پریذیڈنٹ آغا حسین و دیگرشامل تھے۔میٹنگ میں ایشیا میں رگبی کی ڈویلپمنٹ پر بحث کی گئی۔ پاکستان رگبی یونین کے صدر فوزی خواجہ نے مندوبین کو خوش آمدید کہا۔ پاکستان اولمپک ایسوسی ایشن کے وائس پریزیڈنٹ سید عاقل شاہ نے یقین دلایا کہ پی اواے پاکستان رگبی یونین کے ساتھ ہے۔ایشین رگبی کے صدر کوجی تکاماسو نے کہا کہ پاکستان رگبی یونین کے ایشیا کے خطے میں رگبی کی خدمات قابل قدر ہیں۔ اس خطے میں رگبی کے فروغ میں پاکستان رگبی یونین بھرپور کوششیں کر رہی ہے۔