کراچی( اسٹاف رپورٹر) ڈپٹی میئر اور میئر کے امیدوار اور مسلم لیگ (ن) ویسٹ کے صدر امان خان آفریدی نے کہا ہے کہ سٹی کونسل میں 6 جماعتوں پر مشتمل کراچی اتحاد کے 110 ووٹ ہیں لیکن تحریک انصاف نے اتحاد کو سبوتاژ کردیا ہے وہ پریس کانفرنس سے خطاب کررہے تھے اس موقع پر مسلم لیگ یوتھ ونگ ضلع ویسٹ کے صدر جمشید ترین بھی موجود تھے ۔انہوں نے کہا کہ کراچی اتحاد ہم نے کراچی کی ترقی کے لئے بنایا تھا۔ مسلم لیگ (ن) ویسٹ چیئرمین کے امیدوار محمد آصف خان کو سازش کے تحت ہرایا گیا تھا۔ رات کو عمران خان الطاف حسین کو غدار قرار دیتے ہیں ۔ صبح تحریک انصاف ایم کیو ایم کو ووٹ دیتی ہے۔ انہوں نے مطالبہ کیا کہ عمران خان غداروں کے خلاف ایکشن لیں اور ایم کیوایم کو ووٹ دینے او رلینے والوں سے استعفیٰ لیں۔
امان آفریدی