کراچی (این این آئی)پاکستان کرکٹ ٹیم کے سابق کپتان اور جارح مزاج کھلاڑی شاہد آفریدی نے سماجی رابطے کی ویب سائٹ ٹوئٹر پر اپنے پیغام عید کی مبارکباد پیش کی اور کہا کہ ہمیں اس پْر مسرت موقع پر تمام مستحقین اور ناداروں کو یاد رکھنا چاہیے۔ورلڈ کلاس آل راؤنڈر محمد حفیظ نے عید الاضحٰی کی مبارکباد پیش کرتے ہوئے کہا کہ ہمیں انسانوں کی دیکھ بھال کرنی چاہیے۔سابق کپتان شعیب ملک نے تمام مسلمانوں کو عید کی مبارکباد پیش کی اور ساتھ ہی انہوں نے بھارتی ریاست کیریلا میں سیلاب سے متاثرہ افراد کی بحالی کے لیے بھی دعا کی۔انہوں نے اپنے پیغام میں دعا کی کہ اللہ تعالیٰ ان افراد کی بحالی میں ان کی مدد فرمائے۔نوجوان آل راؤنڈر عماد وسیم نے بھی ٹوئٹر پر اپنے ایک پیغام میں عید کی مبارکباد پیش کی اور کہا کہ وہ پاکستان کو اس وقت بہت یاد کر رہے ہیں۔وہاب ریاض نے بھی دنیا بھر کے مسلمانوں کو عید کی مبارکباد پیش کی اور کہا کہ اس پْر مسرت موقع پر اپنے دوستوں اور اہلِ خانہ کے ساتھ امن و سلامتی کا مظاہرہ کریں۔انہوں نے اپنے پیغام میں بتایا کہ وہ اپنے اہلِ خانہ اور اپنی بیٹی کی خوشیوں کو اس موقع پر بہت یاد کر رہے ہیں۔قومی ویمن کرکٹ ٹیم کی کھلاڑیوں نے بھی اپنے ہم وطنوں سمیت پوری دنیا کے مسلمانوں کو عید الاضحٰی کی مبارکباد پیش کی۔ویمن کرکٹ ٹیم کی کپتان بسمہ ماروف نے سماجی رابطے کی ویب سائٹ پر اپنے ایک پیغام میں عید کی مبارکباد پیش کی۔