عماد وسیم فٹنس ٹیسٹ کیلئے طلب

لاہور(سپورٹس رپورٹر) پاکستان کرکٹ بورڈ کی سلیکشن کمیٹی نے ایشیا کپ 2018ء کے قومی سکواڈ کو حتمی شکل دینے کے لیے ان فٹ کھلاڑی آل راؤنڈر عماد وسیم کو فٹنس ٹیسٹ کے لیے طلب کر لیا ہے۔ عماد وسیم 29 اگست کو نیشنل کرکٹ اکیڈمی لاہور میں اپنا فٹنس ٹیسٹ دینگے۔ فٹنس ٹیسٹ پاس کرنے کی صورت میں عماد وسیم ایشیا کپ کے ممکنہ سکواڈ کے کھلاڑی محمد نواز کی جگہ شامل کیا جائے گا۔ آل راؤنڈر عماد وسیم اور محمد نواز کے درمیان ایشیا کپ کے سکواڈ میں جگہ بنانے کے لیے ٹائی پڑ گئی ہے۔