سابق کیوی فاسٹ بائولر آندرے ایڈمز نیوسائوتھ ویلز کے نئے بائولنگ کوچ مقرر

میلبورن (اے پی پی) سابق کیوی فاسٹ بائولر آندرے ایڈمز نیوسائوتھ ویلز کے نئے بائولنگ کوچ مقرر ہو گئے۔ ایڈمز کو 2002ء سے 2007ء کے درمیان انٹرنیشنل کرکٹ میں نیوزی لینڈ کی نمائندگی کا اعزاز حاصل ہے، ریٹائرمنٹ کے بعد وہ آکلینڈ کے ساتھ بطور بائولنگ کوچ کام کر چکے ہیں، اس کے علاوہ نیوزی لینڈ مینز اینڈ ویمنز ٹیموں کے کنسلٹنٹ بھی رہ چکے ہیں۔ایڈمز نے اپنے بیان میں کہا کہ میں ایک ٹیکنیکل بائولنگ کوچ نہیں ہوں لیکن نیوسائوتھ ویلز کی طرف سے موقع ملنے پر خوشی ہے اور میں بائولرز کی کارکردگی کو بہتر بنانے کیلئے ہر ممکن کوشش کروں گا۔