اقوام متحدہ (اے پی پی) نیویارک میں اقوام متحدہ کے صدر دفتر میں سابق سیکرٹری جنرل آنجہانی کوفی عنان کے اعزاز میں ایک یاد گاری تقریب منعقد کی گئی۔اقوام متحدہ کے موجودہ سیکرٹری جنرل انتونیو گوتریز نے تقریب سے خطاب کرتے ہوئے کہا کہ کوفی عنان اقوام متحدہ کی اعلی اقدار کے عکاس تھے۔اقوام متحدہ کے اہلکاروں کو ان کے ساتھ کام کرنے پر بے حد فخر ہے۔ کوفی عنان 8اپریل 1938 کو گھانا میں پیدا ہوئے۔یکم جنوری 1997 کو کوفی عنان نے باقاعدہ طور پر اقوام متحدہ کے سیکرٹری جنرل کا عہدہ سنبھالا اور یہاں 31 دسمبر 2006تک خدمات انجام دیں۔