سعودی عرب کی حمایت کا اعادہ ، حوثیوں کے میزائل ، ڈرون حملے قابل مذمت ، روکے جائیں : پاکستان

اسلام آباد+لاہور (نوائے وقت رپورٹ+ این این آئی+ آئی این پی ) پاکستان نے سعودی عرب پر حوثی باغیوں کے میزائل اور ڈرون حملوں کی مذمت کی ہے۔ پاکستان نے میزائل اور ڈرون حملے ناکام بنانے پر سعودی عرب کی تعریف کی۔ ترجمان دفتر خارجہ نے کہا ہے کہ ایسے حملے فوری طور پر روکے جائیں۔ پاکستان سعودی عرب کی مکمل حمایت کا اور یکجہتی کا اعادہ کرتا ہے۔ اپنے بیان میں ترجمان دفتر خارجہ نے کہا کہ میزائل اور ڈرون حملوں کو ناکام بناکر شہریوں کی زندگیوں کو بچانے کو سراہتے ہیں۔ادھر شہباز شریف نے بھی حوثیوں کے حملوں کی مذمت کرتے کہا حجاز مقدس کی سلامتی ،جغرافیائی سالمیت اور خود مختاری ہر مسلمان کو جان سے عزیزہے، سعودی عرب پر حملے پوری امت پر حملہ کے مترادف،برادر سعودی حکومت اور عوام کیساتھ یکجہتی کا اظہار کرتے ہیں.