عظیم شاعر احمدفراز کی 12 ویں برسی آج منائی جائے گی

اسلام آباد(نمائندہ نوائے وقت) اردوادب کے عظیم شاعر احمدفراز کی 12 ویںبرسی آج بروز منگل منائی جائیگی‘ اس سلسلہ میں ملک بھر کے ادبی حلقوں میں تعزیتی سیمینار اور تقریبات انعقاد پذیرکی جائیںگی جس میں احمدفراز کی ادبی خدمات کو خراج عقیدت پیش کیا جائے گا،احمدفراز 12جنوری 1931ء کو پشاور میں پیدا ہوئے تھے‘ انہیں آدم جی ایوارڈ‘ ستارہ امتیاز‘ہلال امتیاز‘ اباسین ایوارڈ اور نقش ادب ایوارڈ سمیت لاتعداد ملکی وغیرملکی ایوارڈز سے نواز گیا۔