لاہور(سپورٹس رپورٹر) قومی ٹیم کے کپتان بابر اعظم اور سابق بھارتی کپتان ویرات کوہلی کی ملاقات کی ویڈیو وائرل ہوگئی۔ ٹویٹر پر وائرل ویڈیو میںبابر اعظم اور ویرات کوہلی کو گرمجوشی سے ہاتھ ملاتے ہوئے دیکھا جاسکتا ہے۔ قومی ٹیم پریکٹس سیشن کیلئے میدان میں موجود جبکہ ویرات بھی ٹیم کےساتھ میدان میں آئے۔اس دوران باونڈری پر بابر اعظم کو دیکھ کر ویرات آگے بڑھے اور ہاتھ ملایا جبکہ قومی کپتان نے بھی ان سے مل کر خوشی کا اظہار کیا۔شائقین کی جانب سے دونوں کھلاڑیوں کی ملاقات کی ویڈیو شیئر کی جارہی ہیں اور اس پر تبصرے بھی کیے جارہے ہیں۔