بہترین کارگردگی دکھانے پر ایس ایچ او تھانہ شرقپور کیلئے تعریفی اسناد ‘نقد انعام 

 فیروز والہ( نامہ نگار) ڈی پی او شیخوپورہ زاہد نواز مروت نے کہا عوامی جان و مال کے تحفظ میں نمایاں کارکردگی دکھانے والے پولیس افسران و جوان قابل فخر ہیں ان خیالات کا اظہار انہوں نے ضلع بھر کے تھانوں میں بہترین کارگردگی دکھانے والے پولیس افسران کی اعزاز میں منعقد تقریب موقع پر میڈیا سے گفتگو کرتے ہوئے کیا ۔انہوںنے تھانہ شرقپورکے ایس ایچ او رائے عبدالحمید کو بہترین کارکردگی د کھانے اور کمسن بچے کے قاتل کوبروقت پکڑنے اور اغوابرائے تاوان کی خاطر اغوا ہونے والےمعروف زمیندار کوبازیاب کروانے اور اغواہ کاروں کو کیفر کردار تک پہنچانے اغوا کے علاوہ سنگین وارداتوں میں ملوث ملزمان کی گرفتاری پر تعریفی اسناد اور نقدانعام دیا گیا۔