کراچی کے علاقے لسبیلہ کے قریب سیوریج لائن میں دھماکہ، 8 افراد زخمی، متعدد دکانیں تباہ

کراچی : شہر قائد کے علاقے جمشید کوارٹر میں لسبیلہ چوک کے قریب سیوریج لائن کے دھماکے سے 8 افراد زخمی ہو گئے جبکہ متعدد دکانیں تباہ ہو گئیں۔پولیس کے مطابق لسبیلہ چوک کے قریب نعمان مسجد کے سامنے زیر زمین سیوریج لائن میں نماز جمعہ کے بعد زوردار دھماکہ ہوا۔دھماکے کے نتیجے میں لگ بھگ 100 گز تک کی دکانیں اور ایک پکوان ہاؤس کو شدید نقصان پہنچا جبکہ 8 افراد زخمی ہوگئے۔ایدھی فاؤنڈیشن کے مطابق اس واقعہ کے 8 زخمیوں کو اسپتال منتقل کردیا گیا ہے۔زخمیوں کی شناخت نصیر الدین ولد محمد اکبر عمر 23 سال، عثمان ولد محمد یونس عمر 20 سال، خرم ولد غلام سرور عمر 22 سال، لال محمد ولد محمد مسکین عمر 35 سال، محمد اعجاز ولد فرمان عمر 24 سال، حفیظ ولد علی رحمان عمر 23 سال، منصور علی ولد محمد خان عمر 40 سال اور عارف ولد ریاست عمر 38 سال کے نام سے ہوئی ہے۔دھماکے کے نتیجے میں دکانوں میں موجود سامان نالے میں جا گرا۔