لاہور(سپورٹس رپورٹر) پاکستان ویمن کرکٹ ٹیم کی کپتان ندا ڈار کو کپتانی سے ہٹا دیا گیا۔ذرائع کے مطابق پاکستان کرکٹ بورڈ نے بڑا فیصلہ کرتے ہوئے پاکستان ویمن کرکٹ ٹیم کی کپتان ندا ڈار کو قومی ٹیم کی قیادت سے ہٹا دیا ہے ، ندا ڈار کو ہٹانے کے بعد فاطمہ ثناء کو ورلڈ کپ کیلئے قومی ویمن ٹیم کا کپتان مقرر کیا جائیگا۔پی سی بی ڈائریکٹر انٹرنیشنل عثمان واہلہ نے ندا ڈار سے رابطہ کیا اور انہیں اس حوالے سے آگاہ کیا، رابطے کے دوران ندا ڈار کو کہا گیا کہ آپ کو کپتانی سے ہٹایا جارہا ہے اور فاطمہ ثناء کپتان ہوں گی۔ ایشیا کپ میں ناقص پرفارمنس پر کپتان تبدیل کرنے کا فیصلہ کیا گیا ہے اور اب آپ قومی ٹیم کا حصہ ہوں گی۔ پاکستان ویمن ٹیم کی نئی کپتان کا اعلان جلد کئے جانے کا امکان ہے۔ واضح رہے کہ ویمنز ٹی ٹونٹی ورلڈ کپ بنگلہ دیش کی زیر میزبانی اکتوبر میں متحدہ عرب امارات میں کھیلا جائیگا۔