راولپنڈی ‘ہارون آباد‘جہلم میں حادثات‘ 7افراد جاں بحق ‘ 2زخمی 

راولپنڈی ‘ہارون آباد‘جہلم (نامہ نگار‘آئی این پی ) مختلف حادثا ت میں 7افراد جاں بحق اور 2زخمی ہوگئے ۔راولپنڈی مری روڈ پر ون ویلنگ کرنے والے 2 نوجوان جاں بحق ہوگئے۔ ایک نوجوان فٹ پاتھ سے ٹکرا کر جبکہ دوسرا ڈمپر کے نیچے آ کر جاں بحق ہوگیا۔ جاں بحق ہونے والوں کی شناخت 15 سالہ زین اور20 سالہ عثمان کے نام سے ہوئی ہے۔ ہارون آباد میں قینچی موڑ کے قریب ٹریکٹر ٹرالی اور کار میں ٹکر، دو افراد جاں بحق اور دو شدید زخمیوں کو ہسپتال منتقل کر دیا گیا۔ حادثہ میں 50 سالہ انیس کا تعلق ساہیول اور 26 سالہ جاوید کا خانیوال سے تھا، جاں بحق ہوگئے جبکہ زخمیوں میں ساجد ساہیوال اور افتخار کا خانیوال سے ہے۔جہلم ‘جی ٹی روڈ راٹھیاں کے قریب مزدا نے موٹرسائیکل کو ٹکر مار دی جس کے نتیجے میں باپ اور دو بیٹے جاں بحق ہوگئے۔ جاں بحق ہونے والوں میں عدنان‘ آیان اور فیضان شامل ہیں۔