راولپنڈی (اپنے سٹاف رپورٹر سے)برصغیر میں اسلام کے پھیلائو میں اولیا ء کرام کا بنیادی کردار ہے ان خیالات کا اظہار ممبر کینٹ بورڈ حاجی ظفر اقبال نے بابا گرجا پیر کے عرس کے موقع پر خطاب کرتے ہوئے کیا انہوں نے کہا ہے کہ اولیاء اللہ نے نبی کریمؐ کے دین کی روشنی سے برصغیر کو منور کیا۔ ان بزرگان دین کی تعلیمات اور کردار نے سب کو متاثر کیا انہی بزرگان دین  کے ہاتھوں پر بیعت کر کے لاکھوں لوگ مسلمان ہوئے  اور آج بھی ان عظیم ہستیوں کا فیضان جاری ہے۔ اسلام دین حق ہے اور اسلام کے جھنڈے تلے پوری دنیا کے مسلمان متحد ہو کر دنیا و آ خرت میں سرخرو  ہوسکتے ہیں۔عرس کے تقریب سے دیگر علما ء کرام و مشائخ نے بھی خطاب کیا اور فاتحہ خوانی کی گئی۔