جاتلی (نامہ نگار)آئیسکو سب ڈویڑن سکھو کا لائن مین دوران ڈیوٹی پول سے گر کر جان کی بازی ہار گیا سینکڑوں سوگواروں کی موجودگی میں منوں مٹی تلے دفن تفصیلات کے مطابق انتہائی ہنس مکھ اور محنتی لائن میں غلام احمد جو کہ جاتلی کے نواحی گاوں ڈھونگ کا رہنے والا تھا آئیسکو سب ڈویڑن سکھو میں تعینات تھا چند دن قبل سائیڈ پر کام کرتے ہوئے پول سے گر کر شدید زخمی ہو گیا تھا اور ہسپتال میں چند دن زندگی اور موت کی کشمکش میں رہتے ہوئے زندگی کی بازی ہار گیا نماز جنازہ آبائی گاؤں ڈھونگ میں ادا کی گئی جنازے میں آیسکو کے اعلیٰ افسران ایس ای کینٹ سرکل راولپنڈی عثمانی ،ایکسین مندرہ ،ایس ڈی او جاتلی محمد وسیم ،۔ایس ڈی او سکھو محمد یونس،لائن سپرٹینڈنٹ میاں عمران،چیرمین راجہ شاہد زمان، ھائیڈرو یونین کے ریجنل چیرمین جاوید اقبال بلوچ، ڈویڑنل چیئرمین میاں طارق۔ ڈویڑنل سیکرٹری محمد عارف بلوچ سمیت سیاسی وسماجی شخصیات نے کثیرتعداد میں شرکت کی.