راولپنڈی(اپنے سٹاف رپورٹر سے)سٹی ٹریفک پولیس راولپنڈی نے شہدا ء کربلا کے چہلم کے جلوس کے حوالے سے ٹریفک پلان جاری کر دیا چہلم کے جلوس پر ٹریفک پولیس کے 5 ڈی ایس پیز / سرکل انچارجز ، 48 سینئر ٹریفک وارڈنز ، 162 ٹریفک وارڈنز و ٹریفک اسسٹنٹ سمیت کل 215 افسران و جوان تعینات کئے گئے ہیں جبکہ ٹریفک کو متبادل راستوں پر رواں دواں رکھنے کے لئے خصوصی انتظامات بھی کئے گئے ہیں چہلم کے دن کمیٹی چوک سے اقبال روڈ ہر طرح کی ٹریفک کے لئے بند ہو گا، ڈی اے وی کالج چوک پر مکمل ڈائیورشن ہو گی جہاں سے کالج روڈ کی جانب ہر قسم کی ٹریفک کا داخلہ بند ہو گا جبکہ ماتمی جلوس کے نیا محلہ پہنچنے پر ڈی اے وی کالج چوک سے فوارہ چوک کی جانب بھی ٹریفک کے داخلہ پر پابندی رہے گی چیف ٹریفک آفیسر راولپنڈی بینش فاطمہ کے مطابق چہلم کے موقع پر ماتمی جلوسوں کو ٹریفک کے حوالے سے مکمل اور فول پروف سیکیورٹی فراہم کی جائے گی اس سلسلے میں پبلک سروس ٹرانسپورٹ کو ڈی اے وی کالج چوک سے واپس بھجوا دیا جائے گا جبکہ دیگر ٹریفک کو گوالمنڈی سے ڈھوک کمہار سے بھوسہ گودام کی طرف موڑا جائے گامشرق ہوٹل، سٹی صدر روڈ پر ڈائیورشن لگا کر واپس صدر اور موہن پورہ کی طرف موڑا جائے گا جہاں سے ٹریفک سینما چوک سے جا کر براستہ گنجمنڈی روڈ سے پیر ودھائی کی طرف جا سکے گی اسی طرح سینما چوک سے کشمیری بازار جانے والی سڑک ہر قسم کی ٹریفک کیلئے بند ہوگی اور تمام ٹریفک براستہ ٹرانزٹ کیمپ صدر کی طرف آئے گی تھانہ سٹی کے قریب بھی ڈائیورشن لگا کر آنے والی ٹریفک کو گنجمنڈی روڈ کی طرف موڑدیا جائے گا جو کہ براستہ ڈھوک حسو پیرودھائی کی طرف جا سکے گی شاہ اللہ دتہ روڈ پر بھی ڈائیورشن لگائی جائیگی جہاں سے ٹریفک کو ڈھوک دلال، ٹی بی ہسپتال، پیر ودھائی اور اصغر مال کی طرف موڑا جائیگا ، بیکری چوک کے پاس ڈائیورشن لگا کر بنی چوک اور لنک روڈ کی طرف بھجوایا جائے گا جو براستہ سید پور روڈ، سرکلر روڈ سے ہوتی ہوئی مری روڈ سے لیاقت باغ کی جانب آئے گی، ہملٹن چوک اور بانسوالا چوک پر ڈائیورشن لگا کرڈنگی کھوئی اور جامع مسجد روڈ کی جانب کسی قسم کی ٹریفک کو داخل نہیں ہونے دیا جائیگا، اس کے علاوہ پیر چوہا چوک پر ڈائیورشن لگا کر قدیمی امام بارگاہ بلتستانیہ کی طرف آنے والی ٹریفک کو مکمل بند کر دیاجائیگاجبکہ سیٹلائیٹ ٹان سے برآمد ہونے والے جلوس کے موقع پر امام بارگاہ یادگار حسین کے دونوں اطراف تھانہ نیوٹان، پنجاب کالج آف کامرس، حیات ولی ہسپتال، عزیز نرسنگ ہوم، بنی چوک جانب کوہاٹی بازار، روشن بیکری، کالی ٹینکی چوک، اصغر مال کالج، بنی مارکیٹ اور دیگر مختلف مقامات پر ٹریفک کو متبادل راستوں پر ڈائیورٹ کیا جائیگا، سی ٹی او بینش فاطمہ  نے ٹریفک پولیس کو ہدایات دیتے ہوئے کہا کہ تمام افسران و جوان الرٹ رہ کر ٹریفک ڈیوٹی اورسیکیورٹی کو ہر صورت یقینی بنائیں اور ٹیم ورک کے ساتھ کام کرتے ہوئے ٹریفک کو مقرر کردہ متبادل راستوں پر رواں دواں رکھتے ہوئے ٹریفک پلان پر مکمل عملدرآمد کروائیں۔