پاکستان کو ہوم گراؤنڈ پربنگلادیش کے ہاتھوں بدترین شکست ہو ئی ہے۔بنگلادیش نے پنڈی ٹیسٹ10وکٹوں سے جیت لیا، قومی بلے بازوں کی راولپنڈی ٹیسٹ میں مایوس ترین کارکردگی کا مظاہرہ کیا۔پاکستانی ٹیم دوسری اننگز میں صرف146رنز پر ڈھیر ہوگئی تھی، بنگلادیش نے30رنز کا ہدف بغیر کسی نقصان کے پورا کرلیا۔    پاکستان نے دوسری اننگز میں 10 وکٹوں کے نقصان پر 146 رنز بنا ئے تھے، پاکستان نے  بنگلہ دیش کو جیت کیلئے 30 رنز کا ہدف دیا تھا، پاکستان کے 7 کھلاڑٰی ڈبل فگر میں بھی داخل نہ ہو سکے،محمد رضوان 51 رنز بنا کر آئوٹ ہو گئے۔عبد اللہ شفیق 37 رنز،بابر اعظم 22 رنز، کپتان شان مسعود 14 رنز، صائم ایوب ایک ، سعود شکیل اور سلیمان آغا بغیر کوئی رنز بنائے آوٹ ہوئے ہیں، بنگلہ دیش کی جانب سے شکیب الحن نے دو جبکہ شرف السلام، حسن محمود، ناہید رانا اور مہدی حسن میراز نے ایک، ایک وکٹ حاصل کی۔بنگلہ دیش کی ٹیم اپنی پہلی اننگز میں 565 رنز بنا کر آوٹ ہو گئی تھی، پاکستان نے 448 رنز 6 کھلاڑی آوٹ پر اپنی پہلی اننگزڈیکلیئر کر دی تھی۔