پاکستان تحریک انصاف میں اندرونی اختلافات کے خاتمے کیلئے سابق صدر عارف علوی کی سربراہی میں کمیٹی تشکیل دے دی گئی۔پارٹی ذرائع کے مطابق عارف علوی ایک ہفتے میں اندرونی اختلافات کے خاتمے کیلئے تجاویز دیں گے اور اختلافات رکھنے والے رہنماؤں سے ملاقاتیں کرکے تحفظات سنیں گے۔
یاد رہے کہ گزشتہ دنوں خیبر پختونخوا میں سابق صوبائی وزیر شکیل خان کو وزارت سے ہٹانے کے معاملے پر پارٹی میں شدید اختلافات سامنے آئے تھے۔اس کے علاوہ تحریک انصاف پنجاب میں بھی اختلافات کی خبریں سامنے آئی تھیں۔ جس کا بانی چیئرمین عمران خان نے نوٹس لیا تھا۔پی ٹی آئی نے پارٹی کے سابق سینئر نائب صدر اور رکن قومی اسمبلی شیر افضل مروت کی بنیادی پارٹی رکنیت منسوخ کردی تھی۔ پھر خیبرپختونخوا کے سابق وزیر کمیونیکیشن اینڈ ورکس شکیل خان کو استعفی دینے پر مجبور کیا گیا۔ نیز علیمہ خان اور بشریٰ بی بی کے درمیان بھی تعلقات کشیدہ ہیں۔