راولپنڈی: پاکستان نیول اکیڈمی کے کیڈٹس نے بین الاقوامی سیلنگ مقابلے میں شاندار کامیابی حاصل کر لی جو پی این اے کی پیشہ ورانہ تربیت کا ثبوت ہے۔
فوج کے شعبہ تعلقات عامہ (آئی ایس پی آر) نے بتایا کہ سیلنگ مقابلے کا انعقاد سری لنکن نیول اکیڈمی میں ہوا .جس میں پاکستان، چین اور انڈین نیول اکیڈمیز کے کیڈٹس نے حصہ لیا۔آئی ایس پی آر نے بتایا کہ مقابلے لیزر ریڈیل اور انٹرپرائز کیٹیگریز میں منعقد کیے گئے. پاک نیول اکیڈمی کے کیڈٹس نے انٹرپرائز کیٹگری میں گولڈ میڈل حاصل کیا جبکہ لیزر ریڈیل کیٹگری میں سلور میڈل جیتا۔فاتح ٹیم کیڈٹس سید ساخر علی شاہ، سعد بن خالد اور محمد عبداللہ اکرم پر مشتمل تھی۔سری لنکن نیول چیف وائس ایڈمرل پرینتھاپریرا نے فاتح کیڈٹس کو میڈلز اور ٹرافی سے نوازا جبکہ نیول چیف ایڈمرل نوید اشرف نے فاتح کیڈٹس کو مبارکباد دی۔