لاہوراور پنجاب کےمیدانی علاقےشدید دھند کی لپیٹ میں آگئے ہیں، دھند کے باعث موٹروے کو لاہور سے پنڈی بھٹیاں تک بندکردیا گیا۔ پروازوں کا شیڈول بھی درہم برہم ہوگیا۔

محکمہ موسمیات کےمطابق پنجاب اورسندھ کے بیشتر میدانی علاقے آئندہ دو سے تین روز تک شدید دھند کی لپیٹ میں رہیں گے۔ حدنگاہ صفر ہونے پر لاہور سے پنڈی بھٹیاں تک موٹروے کو بند کردیا گیا ہے۔ ترجمان موٹروےپولیس کے مطابق پنڈی بھٹیاں سے فیصل آباد تک ایم تھری کو بھی بند کردیا گیا ہے۔ جبکہ لاہور سے اسلام آباد جانیوالی ٹریفک کو جی ٹی روڈ کی طرف موڑدیا گیا ہے۔ دوسری جانب شدید دھند کے باعث پروازوں کا شیڈول بھی بری طرح سے متاثر ہوا ہے۔