لاہور(نمائندہ سپورٹس )پاکستان ہاکی فیڈریشن نے 62 ویں قومی ہاکی چمپئن شپ میں تھرڈ امپائر ویڈیو ریفریل سسٹم متعارف کروانے کا اعلان کردیا ہے۔ ٹورنامنٹ میں اسلام آباد اور چاروں صوبوں سمےت 15 اداروں کی 25 ٹیمیں حصہ لےں گی۔ تمام میچ فلڈ لائٹ اور ٹی وی پر براہ راست نشر کئے جائیں گے۔ پاکستان ہاکی ٹےم کے ہےڈ کوچ سابق اولمپئن قمر ابراہیم نے چمپئن شپ کی تفصیلات بتاتے ہوئے کہا کہ سسٹم کو شروع کرنے کا مقصد یہ ہے کہ اگر میچوں کے دوران کوئی خامی ہوتواس کو کم سے کم کیا جائے ۔ جدےد سسٹم کے باوجود 2امپائرمیچ کا انتظام سنبھالیں گے جو ٹیموں کو منصفانہ فائدہ پہنچانے کے لیے امپائر منیجر کے ساتھ ویڈیو سے منسلک ہوں گے۔ ٹورنامنٹ کا آغاز 10 جنوری سے کراچی میں ہوگا۔ٹیموں کو چار پول میں تقسیم کیا گیا جہاں لیگ میچوں کے بعد ہر پول سے دو دو ٹیمیں کوارٹر فائنل میں جائیں گی۔کوارٹر فائنل سے فائنل تک تمام میچ فلڈ لائٹ میں کھیلے جائیں گے اور ٹی وی پر براہ راست نشرکئے جائیں گے۔ ڈسپلنری کمیٹی جس میں ٹیکنیکل اور امپائر منیجر، چیف سلیکٹر اور ٹورنامنٹ کے چیف کوآرڈینیٹر کو شامل کیا گیا ہے، دلاور بھٹی کو امپائر کا منیجر مقرر کیا گیا ہے۔
انھوں نے کہا کہ گولڈ، سلوراور برونز میڈل جیتنے والی ٹیموں کو بھاری انعامات کے علاوہ چمپیئن شپ کا بہترین کھلاڑی، سب سے زیادہ گول کرنے والے اور بہترین گول کیپر کے انعامات بھی دیے جائیں گے تاہم انھوں نے بجٹ کے حوالے سے کچھ کہنے سے انکار کیا۔قمر کا کہنا تھا کہ پی ایچ ایف نے تمام سابق اولمپیئنز اور بین الاقوامی کھلاڑیوں کو دعوت دی ہے کہ وہ ٹورنامنٹ میں آئیں اور ملک میں کھیل کے فروغ کے لیے اپنے خیالات سے نوازیں۔
بنگلہ دےش کر کٹ بورڈ نے پی اےس اےل کےلئے اپنے چاروں کر کٹرز کو اےن او سی جاری کر دےا
پشاور زلمی نے تمیم اقبال ،کراچی کنگز نے شکیب الحسن،مشفق الرحیم، لاہور قلندرز نے مستفیض الرحمٰن کا انتخاب کےا تھا
ڈھاکہ (آئی اےن پی)بنگلہ دےش کر کٹ بورڈ نے پاکستان سپر لےگ (پی اےس اےل)کےلئے مختلف فرانچائےزز مےں منتخب ہونےوالے اپنے چاروں کر کٹرز کو اےن او سی جاری کر دےا۔تفصےلات کے مطابق جمعرات کو بنگلہ دےش کر کٹ بورڈ نے پاکستان سپر لےگ (پی اےس اےل)کےلئے مختلف فرانچائےزز مےں منتخب ہونےوالے تمیم اقبال، شکیب الحسن، مشفق الرحیم اور مستفیض الرحمٰن کو اےن او سی جاری کر دےا۔واضح رہے کہ پی اےس اےل کی پلےئرز ڈرافٹنگ مےں پشاور زلمی نے تمیم اقبال ،کراچی کنگز نے شکیب الحسن اور مشفق الرحیم جبکہ لاہور قلندرز نے مستفیض الرحمٰن کو اپنی ٹےم مےں شامل کےا تھا۔