شارجہ (سپورٹس ڈیسک)سابق کپتان انضمام الحق اور سابق کوچ ڈیوڈواٹمور آج شارجہ مےں آمنے سامنے ہوں گے۔ انضمام الحق کی کوچنگ مےں افغانستان اور ڈیوڈواٹمورکی کوچنگ مےں زمبابوے کی ٹےم پہلے ون ڈے مےں آمنے سامنے ہونگی۔ ڈیوڈواٹمور اورانضمام الحق میں رقابت زیادہ پرانی نہیں جب پی سی بی نے سابق قومی کپتان پر انحصار کرنے کے بجائے ڈیوڈواٹمور کو قومی ٹیم کی کوچنگ کیلئے چناتھا جبکہ انضمام الحق محض 2012-13 کے دورہ بھارت میں بیٹنگ کنسلٹنٹ کی ذمہ داری نبھانے کے بعد فارغ کردئیے گئے تھے۔ڈیوڈواٹمور کے جانے کے بعد بھی انضمام الحق کیلئے پاکستانی ٹیم کا دروازہ کھل نہیں سکا تھا کیونکہ بورڈ نے ا±ن کے معاملے میں سرد مہری کا مظاہرہ کیاتھا جبکہ یہ اطلاعات بھی سامنے آئی تھیں کہ بورڈ اور سابق کپتان میں معاوضے کے معاملے میں اختلاف تھا۔افغانستان اور زمبابوے کی ٹیمیں نہ صرف یواے ای میں پانچ ون ڈے میچوں کی باہمی سیریز کھیلیں گی بلکہ دو نوں ٹیموں کے درمیان دو ٹوئنٹی20انٹرنیشنل میچز بھی کھیلے جائیں گے۔