کرسمس تہوار،لاہورسے وزیراعلیٰ پنجاب کی خصوصی ٹیم دائرہ دین پناہ پہنچ گئی، سکیورٹی مزید سخت کرنے کا حکم

دائرہ دین پناہ(نامہ نگار)آج ہونے والے کرسمس کے تہوارکے موقعہ پردہشت گردی کے خطرہ کے پیش نظروزیراعلیٰ پنجاب کی طرف سے سیکیورٹی کے معائنہ کے لیے لاہورسے آنے والی خصوصی ویجیلیٹرٹیم518ٹی ڈی اے،521ٹی ڈی اے،147ایم ایل پہنچ گئی جہاں ڈی پی اومظفرگڑھ اویس احمدملک،ایس ڈی پی اوکوٹ ادومجاہداقبال برمانی،ڈی ایس پی ریاض بخاری،انسپکٹرمحب علی،سرکل انچارج سپیشل برانچ محبوب خان تنگوانی،سیکیورٹی برانچ انچارج مظفرگڑھ چوہدری لیاقت علی کے علاوہ پولیس کی بھاری نفری موجودتھی۔ڈی پی اومظفرگڑھ نے ویجیلیٹرٹیم انچارج سیف احمدکوبریفنگ دی تاہم حالیہ دہشت گردی کے خطرہ کے پیش نظرسیکیورٹی کومزیدسخت کرتے ہوئے ہائی الرٹ کردیاگیا علاوہ ازیں رات گئے ڈی سی مظفرگڑھ سیف انورجپہ نے بھی چرچوں کامعائنہ کیا۔