سکھر( نامہ نگار )پرانا سکھر کے علاقے میونسپل اسکول ، حیدری مسجد ، قریشی روڈ ، مخدوم جمالی روڈ ، مہران اسکول ، لطیف پارک ، شکارپور سوئٹ روڈ ، نصرت کالونی نمبر پانچ ، سمیت بھوسہ لائن ، گڈانی پھاٹک ، گھنٹہ گھر اور شہر کے دیگر علاقوں میں گٹر نالیوں کا گندہ پانی جمع ہونے سے سڑکیں تالاب کا منظر پیش کرنے لگیں سڑکوں پر گندہ پانی جمع ہونے سے شہریوں کو آمدورفت میں شدید دشواری کا سامنا کرنا پڑا جبکہ ٹریفک کی روانی بھی متاثر رہی سنی تحریک کے مرکزی رہنما حافظ محبوب علی سہتو، انجمن تاجران نشتر روڈ کے صدر عامر فاروقی، پاکستان سنی تحریک سندھ کے صدر نور احمد قاسمی ، رضوان میمن قادری ، کچہ بندر ایسوسی ایشن کے صدر اصلاح الدین شیخ ، اشفاق اعوان دیگر نے شہر میں صفائی کی ابتر حالت پر شدید غم و غصہ کا اظہار کیا ہے۔