قائداعظم نےکشمیر کو پاکستان کی شہہ رگ قرار دیا تھا،آج بابائےقوم کو خراج عقیدت پیش کرتے ہیں:مشعال ملک

حریت رہنماء یاسین ملک کی اہلیہ مشعال ملک نے مسیحی برادری کے ساتھ قائداعظم محمد علی جناح کے یوم پیدائش پر کیک کاٹا، اور مسیحی برادری کو کرسمس کی مبارک باد دیاور مقبوضہ کشمیر کی آزادی کے لیے خصوصی دعا کی گئی، مشعال ملک کا کہنا تھا کہ قائداعظم کی دن رات انتھک محنت کی وجہ پاکستان بنا،پاکستان کی آزاد فضاوں میں اقلیتوں کو بھی برابر کے بنیادی حقوق حاصل ہے،مسیحی برادری کی کرسمس کی خوشیوں میں ہم برابر کے شریک ہیں، مشعال ملک نے کہا کہ آج بابائےقوم کو خراج عقیدت پیش کرتے ہیں۔ مشعال ملک نے کہا قائداعظم نے کشمیر کو پاکستان کی شہہ رگ قرار دیا تھا، نام نہاد بھارتی جمھوری حکومت مقبوضہ کشمیر پر غاصبانہ قبضہ کیے ہوئے ہے، کشمیری حریت قیادت کو اپنے ہی گھروں میں نظر بند کردیا جاتا ہے۔پوری کشمیری قوم ہندوستان سے آزادی چاہتی ہے۔