راولپنڈی(نمائندہ خصوصی) چیئرمین قمرجہاں فاونڈیشن ڈاکٹرجمال ناصرنے کہا ہے کہ قائداعظمؒ ایک عظیم رہنماء تھے جن کی بدولت آج ہم آزادفضامیں سانس لے رہے ہیں۔ان خیالات کا اظہار انہوں نے پنجاب آرٹس کونسل کے زیراہتمام یوم قائداعظم ؒکے سلسلے میں منعقدہ تصویری نمائش بعنوان’ ـ’قائداعظم کے شب و روز ‘‘کی افتتاحی تقریب کے موقع پربطورمہمان خصوصی خطاب کرتے ہوئے کیا ،ناہیدمنظوراورڈائریکٹرپنجاب آرٹس کونسل وقاراحمدان کے ہمراہ تھے۔اس موقع پرسنیئر آرٹسٹ باطن فاروقی ، سلیم آفندی ،جھلک علی و دیگر بھی موجود تھے نمائش میں قائداعظمؒ کی زندگی کے مختلف پہلوؤں کا اجاگرکیا گیا ہے جن میں ذاتی اورسیاسی جہدوجہدشامل تھی۔