لاڑکانہ(بیورو رپورٹ) لاڑکانہ کے قریب رشید وگن لنک روڈ پر تیز رفتار موٹرسائیکل کی ٹکر سے گاؤں برہان بروہی کا رہائشی راہ گیر نوجوان عبدالحق بروہی جبکہ موٹرسائیکل پر سوار گاؤں علی باغ گاڈہی کے رہائشی نوجوان صابر گاڈہی اور سعید گاڈہی شدید زخمی ہوئے جنہیں آسپاس کے لوگوں نے زخمی حالت میں چانڈکا اسپتال کے شعبہ حادثات منتقل کیا جہاں زخموں کے تاب نہ لاتے ہوئے نوجوان عبدالحق بروہی دم توڑگیا جبکہ زخمیوں کو طبی امداد دی گئی، ڈاکٹروں کے مطابق زخمی نوجوان صابر گاڈہی کی حالت تشویش ناک بتائی جاتی ہے، دوسری جانب متوفی نوجوان کی لاش ضروری کاروائی کے بعد ورثائے کے حوالے کردی جبکہ اوٹھا چوک روڈ پر تیز رفتار کار اور موٹرسائیکل میں ٹکر کے نتیجے میں موٹرسائیکل پر سوار پولیس اہلکار سید لطف علی شاہ گر کر شدید زخمی ہوئے جسے کار ڈرائیور نے زخمی حالت میں چانڈکا اسپتال کے شعبہ حادثات منتقل کیا جہاں انہیں طبی امداد دی گئی، ڈاکٹروں کی جانب سے زخمی پولیس اہلکار کی حالت خطرے سے باہر بتائی جاتی ہے۔