ملک کے بالائی اور وسطی علاقوں میں (کل) ہفتہ سے بارش اور برفباری کے نئے سلسلے کا امکان ہے۔محکمہ موسمیات نے اتوار تک گلگت بلتستان،کشمیر ،خیبرپختونخوا، پنجاب، اسلام آباد میں بارش اور پہاڑوں پر برفباری کی پیشگوئی کردی۔محکمہ موسمیات کے مطابق وادی زیارت، کان مہترزئی میں درجہ حرارت منفی 6 ریکارڈ کیا گیا ،توبہ اچکزئی، کوڑک ٹاپ میں پارہ منفی 5 تک جا پہنچا۔پی ڈی ایم اے نے بالائی علاقوں کےلوگوں کو سردی سے بچنے کے لیے احتیاطی تدابیر اختیار کرنے کی ہدایت کی ہے۔