لاہور ( سپورٹس ڈیسک ) پاکستان کے سابق اسٹار پلیئرز آئندہ ماہ ہونیوالی لیجنڈلیگ میں بھرپور رنگ جمائیں گے۔دنیا کے تیز ترین فاسٹ بائولر اور تیز ترین سنچری بنانے والے دو پاکستانی سپر سٹار لیجنڈ لیگ کا حصہ بن گئے۔بلے بازوں کے لیے خوف کی علامت سمجھے جانے والے شعیب اختر اور بولرز کے چھکے چھڑانے والے شاہد خان آفریدی عمان میں ہونیوالی لیجنڈ لیگ میں شامل ہو چکے ہیں۔یہ سپرسٹارز دیگر پاکستانی کھلاڑیوں بشمول اظہر محمود، مصباح الحق، محمد حفیظ، محمد یوسف، عمر گل اور یونس خان کے ساتھ مل کر 11 رکنی ٹیم تشکیل دیں گے جسے ایشیا لائنز ٹیم کہا جاتا ہے۔ٹیم کے دیگر کھلاڑیوں میں سنتھ جے سوریا، متھیا مرلی دھرن، چمندا واس، رومیش کالوویتھرانا، تلکارتنے دلشان، اپل تھرنگا اور اصغر افغان شامل ہیں۔