لاہور(سپورٹس رپورٹر) نیوزی لینڈ کے کرکٹر اعجاز پٹیل نے کہا ہے کہ پاکستان کے پاس ایسے بیٹرز ہیں جو سپن کو اچھا کھیلتے ہیں، جنہیں آئوٹ کرنا چیلنج ہوگا تاہم اس چیلنج کا مزہ ہے۔ پاکستان کی کنڈیشن کافی مختلف ہیں جس کے باعث یہاں کھیلنا آسان نہیں،بھارت میں بائونس ملتا ہے ،یہاں وکٹ سلو ہے جس پر محنت کرنا ہوتی ہے، پچھلی سیریز میں یہاں سپنرز کو مدد ملی تھی۔ اللہ بہتر جانتا ہے کہ یو اے ای والی کارکردگی دہرا سکتا ہوں یا نہیں۔ بابر اعظم اور محمد رضوان اچھے کھلاڑی ہیں، کوشش ہوتی ہے بیٹر کے پلان کو پرکھ کر اچھی کارکردگی دکھائوں۔ میرا قد لمبا نہیں اس وجہ سے فاسٹ بائولنگ چھوڑ کر سپن کی طرف آیا اور کرکٹ میں کیریئر بنانے کیلئے سپن بائولنگ کو اپنایا۔